Ngepek v1.0
Salam.
Hari ni raso nok ngepek. Caro ah bahaso Kelate pong.
Sayo gak beci bena nah kalu jenih oghe hok pengotor dale bilik air. Tok pehe lah, peseng mok pok tok aja ko gano tau.
Kemarin maso nok gi basuh kain dale bilik air. Sayo ni gak happy lah sebab dapat basuh kain-baju maso weekdays. Sebabnyo, takdok oghe duk sibuk gi mari daley bilik air. Bangun pagi-pagi bley bley menyanyi nyanyi, sayo pun gi lah bilik air yang sejuk dan nyaman itu sambil dengar burung-burung gagok berkicau-kicauan. Happy sungguh nah pagi itu. Hok tok happy pun jadi happy sebab sejuk, pah denga burung bbunyi. OHH nyaman sungguh lah.
Pahtu, sayo pun heret lah baldi pink sayo itu ke sink kegemaran sayo di dalam bilik air. Untuk pengetahue, sink itu sememangnya digunakan untuk membasuh kain-baju secara amnya. Mako bilo sapa jah kat sink itu, holoh….sayo terkesima. Perasae hok happy takdi terus bertukar jadi naik angin. Emmmmh.
Ho doh bakpo tok naik angin. Peseng makey megi cuoh dale sink. Peseng haaapo gitu. Nok kato takdok tong sapoh, ado jah ssitu. Cuoh daley sink tu so ha doh.. pahtu tok basuh. Megi pun penuh lagi dale sink. Holoh pengotor sungguh nah. Pah sink pun summbak lah. Dohla tu sink favorite sayo. HMM.
Pahtu takdok apo la. Keno bberuh atah lata. Sayo gak kalu buleh toksey la beruh atah lata. Dohla sayo peseng ado obsessive-compulsive disorder. Kalu bilik air dumoh takpola. Ni kalu hostel..macey-macey selipa pijok situ. Keno pulok slipa puok-puok hok lap bers denge tisu nih. Alergik slaluh ambo gak. Heish.
Nok basuh kain takdok mood tibo-tibo. Tapi terpakso la, ho doh wak gano.
